Antes de Semana Santa fomos auditados, un ano máis, como acontence dende 2007 pola prestixiosa consultora  AENOR.  Este ano renovabamos a certificación conforme ás novas directrices da norma. O 12 de abril confirmamos a nova certificación que implica   un compromiso continuo na busca da calidade na educación dos vosos fillos e fillas.

O informe da auditoría destaca como os nosos puntos fortes:  o  Departamento de Orientación como enlace personalizado entre o centro e as familias,  o trato personalizado aos alumnos e alumnas por titores, titoras e profesorado e  a implicación das familias nas diferentes actividades académicas do Centro.

Podedes consultar a nosa Política de Calidade aquí.