Vós medrastes con Galén e Galén medrou con vós.

O venres 6 de marzo celebramos, como estaba previsto, a cea co antigo alumnado.

Ao redor das 09.30 comezaron a chegar os cerca de douscentos asistentes.

Ás dez e cuarto e despois dos primeiros saúdos e moitos bicos de reencontro comezou a cea coas palabras de benvida e acollida que nos dirixiu Miguel Hernández.

De entrantes, pan tostado con pementos do Piquillo, canapés de marisco e grelos e empanada de zamburiñas; o primeiro prato, pastel de pescada e gambas; de  segundo, entrecot en salsa de cogomelos con verduras de tempada e patacas panadeira e de postre profiterois con chocolate e tulipa de xeado.

Neste intre, as fotos podíanse contar xa por centos, xunto cos risos e a emoción que se sucedía entre o alumnado e o persoal de Galén asistente; moitos deles non se vían había tempo.

Ao remate da cea, Nieves de Neira , alumna da primeira promoción,tomou a palabra para dirixirse a todos os asistentes, seguírona de forma improvisada Jorge Mallo, María Crecente e Juan Vázquez; a seguinte intervención correspondeu a César Gómez Cabanas e pechou o acto Raúl Pérez Grande.

A festa continuou na discoteca do propio hotel.

Podedes ver algunhas das fotos na galería: “Cea, cumprimos dez anos” e ler os discursos no PDF desta entrada. Tamén podedes ver as fotos que publicou El Progreso.