POLÍTICA DE CALIDADE

Somos un centro educativo privado, laico e independente, un equipo coordinado, innovador e con experiencia e un colectivo de familias que comparten un modelo educativo propio que aporta unha formación en valores esenciais e unha base sólida para a continua adquisición de coñecementos.

 

Pretendemos acadar:

• Unha formación integral.
• Unha educación “en” e “para” a igualdade.
• Unha boa competencia lingüística nas linguas oficiais da nosa comunidade e en linguas extranxeiras.
• Un nivel óptimo no manexo das novas tecnoloxías e unha actitude de investigación e busca continua.
• Un compromiso de traballar pola calidade ambiental e a sostibilidade do noso centro e do seu contorno.
• A consolidación como unha empresa eficaz e aberta á sociedade

 

Para conseguir todo isto, potenciamos a:

 

Coordinación: consenso, colaboración, cooperación e compromiso para acadar uns obxectivos comúns. Titoría: seguimento individualizado e unha comunicación fluída co alumnado e coa familia. Orientación: prevención, diagnóstico e asesoramento nos procesos persoais, académicos e profesionais do alumnado e asesoramento a toda a comunidade educativa. Ensino individualizado: flexibilizar a educación para adaptarse ás diferenzas individuais de aptitudes, necesidades, intereses e ritmos de maduración do alumnado Participación e colaboración coas familias e institucións: buscar a súa implicacióncoa finalidade de ter unha visión máis global da educación e acadar resultados óptimos

Atención á diversidade: ensino en función das capacidades e necesidades do alumnado e deseño de medidas de atención á diversidade Posibilidade de ampliar o programa oficial: gran variedade de actividades que o complementen: físicas e deportivas, educación artística e musical, educación medioambiental. Educación en valores: fomentar a posibilidade de sentir, pensar e actuar de xeito solidario, respectuoso e tolerante; aprendendo a solucionar construtivamente os conflitos que presenta a vida cotiá. Respecto e defensa do patrimonio natural e cultural: fomentar a participación de todo o colectivo en prol do desenvolvemento sostible. Respecto á pluralidade lingüística e cultural: resaltar a presenza das linguas da nosa comunidade como factor identitario.

A dirección comprométese á mellora continua e transmite, comunica e asegura, a todo o persoal, o cumprimento dos requisitos aplicables ao centro

· SEMANA DA CULTURA EN
  GALÉN

---

· Revista en inglés elaborada   polas nenas e nenos de
  1º ESO

· Revista en inglés elaborada   polas nenas e nenos de
  2º ESO

---

· Campamentos Urbanos 2008
  TROTAMUNDOS

· ENGLISH SUMMER CAMP 2008

· VIAXE A INGLATERRA 2008

Viernes, 04 de Julio de 2008